کراچی: پاکستان پیپلز پارٹی (پی پی پی) نے سابق صدر آصف علی زرداری اور پاکستان تحریک انصاف (پی ٹی آئی) کے رہنما شیر افضل مروت کے درمیان کسی قسم کے رابطے کی تردید کردی۔

پی ٹی آئی رہنما شیر افضل مروت نے اس سے قبل دعویٰ کیا تھا کہ پاکستان پیپلز پارٹی (پی پی پی) کے شریک چیئرمین آصف علی زرداری نے گزشتہ رات ان سے رابطہ کیا۔

مروت کے بیان کے جواب میں پی پی پی کے ترجمان نے کہا کہ پارٹی کے شریک چیئرمین نے پی ٹی آئی کے حمایت یافتہ آزاد امیدواروں کو حکومت بنانے کی بات کی۔ تاہم، زرداری پہلے ہی وزارت عظمیٰ کے لیے مسلم لیگ ن کے حق میں ووٹ دینے کا اعلان کر چکے ہیں۔

سرکاری بیان میں مزید واضح کیا گیا کہ آصف زرداری سیاسی جماعتوں کے سنجیدہ ارکان سے بات چیت میں مصروف ہیں، اس لیے مروت کے بیان کو سنجیدگی سے نہیں لینا چاہیے۔